«Վարդանանց» երգչախմբի ելույթը Մայր Աթոռ Սուրբ Էջմիածնում / Պոլսի «Վարդանանց» երգչախմբի մենահամերգը

Օգոստոսի 5-ին «Իմ Հայաստան» համահայկական փառատոնի խմբերգային արվեստի օրերի մասնակից Թուրքիայի «Վարդանանց» երգչախմբի անդամները մեկնեցին Մայր Աթոռ Սուրբ Էջմիածին և մասնակցեցին Մայր տաճարում Հայր Շահե Աբեղա Անանյանի ձեռամբ մատուցվելիք Սուրբ պատարագին:

***

by ԻՄ ՀԱՅԱՍՏԱՆ in ՄԻՋՈՑԱՌՈՒՄՆԵՐ, ՆՈՐՈՒԹՅՈՒՆՆԵՐ, ԻՄ ՀԱՅԱՍՏԱՆ Tags: Երգչախմբային արվեստի օրեր Միջոցառումներ

Օգոստոսի 5-ին «Իմ Հայաստան» համահայկական փառատոնի խմբերգային արվեստի օրերի մասնակից Թուրքիայի «Վարդանանց» երգչախմբի անդամները մեկնեցին Մայր Աթոռ Սուրբ Էջմիածին և մասնակցեցին Մայր տաճարում Հայր Շահե Աբեղա Անանյանի ձեռամբ մատուցվելիք Սուրբ պատարագին:

Արարողությանը ներկա էին Պոլսո Հայոց Պատրիարքության կրոնական ժողովի ատենապետ Տեր Թաթուլ ծայրագույն վարդապետ Անուշյանը, լուսարարապետ Հովնան եպիսկոպոս Հակոբյանը, միաբաններ` Տաթև արքեպիսկոպոս Սարգիսյանը և Նաթան արքեպիսկոպոս Հովհաննիսյանը, և սարկավագներ:

«Վարդանանց» երգչախմբի անդամները կատարեցին Սուրբ պատարագի բոլոր երգերը: Մայր տաճարը լի էր հավատացյալ ժողովուրդով: Երգչախմբի կատարումները առանձնահատուկ դարձրեցին Սուրբ պատարագի արարողությունը:

http://im-hayastan.com/2012/08/05/%D5%BE%D5%A1%D6%80%D5%A4%D5%A1%D5%B6%D5%A1%D5%B6%D6%81-%D5%A5%D6%80%D5%A3%D5%B9%D5%A1%D5%AD%D5%B4%D5%A2%D5%AB-%D5%A5%D5%AC%D5%B8%D6%82%D5%B5%D5%A9%D5%A8-%D5%B4%D5%A1%D5%B5%D6%80-%D5%A1/

«ԻՄ ՀԱՅԱՍՏԱՆ»

համահայկական փառատոն

Պոլսի «Վարդանանց» երգչախմբի մենահամերգը

by ԻՄ ՀԱՅԱՍՏԱՆ in ՄԻՋՈՑԱՌՈՒՄՆԵՐ, ՆՈՐՈՒԹՅՈՒՆՆԵՐ, ԻՄ ՀԱՅԱՍՏԱՆ Tags: Երգչախմբային արվեստի օրեր Միջոցառումներ

Օգոստոսի 7-ին «Իմ Հայաստան» համահայկական փառատոնի խմբերգային արվեստի օրերի շրջանակներում Թուրքիայի «Վարդանանց» երգչախմբի անդամները մենահամերգով հանդես եկան Կամերային երաժշտության ազգային կենտրոնում:

Միջոցառմանը ներկա էին ՀՀ սփյուռքի նախարար Հրանուշ Հակոբյանը, Պոլսո Հայոց Պատրիարքության պատրիարքական ընդհանուր փոխանորդ Արամ արքեպիսկոպոս Աթեշյանը, կրոնական ժողովի ատենապետ Տեր Թաթուլ ծայրագույն վարդապետ Անուշյանը:

Համերգը ղեկավարում էր երգչախմբի ղեկավար Ատրուշան Հալաճյանը, նվագակցում էր Լուսի Գահվեճիողլուն: Երգչախումբը կատարեց Կոմիտասի, Ա. Բաբաջանյանի, Մ. Եկմալյանի, Տ. Չուխաջյանի, Ա. Պարթևյանի, Կ. Զաքարյանի, Մոցարտի, Վերդիի և այլոց ստեղծագործությունները: Դահլիճը լի էր հանդիսատեսներով, որոնք ծաղիկներով և ջերմ ծափողջույներով դիմավորեցին երգչախմբի անդամներին:

 Վերջում ելույթ ունեցավ Պոլսո Հայոց Պատրիարքության պատրիարքական ընդհանուր փոխանորդ Արամ արքեպիսկոպոս Աթեշյանը: Նա շնորհակալություն հայտնեց Սփյուռքի նախարարությանը` ջերմ ընդունելության և փառատոնին մասնակցության հնարավորություն ընձեռելու համար, և հուշանվեր հանձնեց ՀՀ սփյուռքի նախարար Հրանուշ Հակոբյանին: Խոսելով երգչախմբի մասին` Արամ արքեպիսկոպոս Աթեշյանը նշեց, որ «Վարդանանց» երգչախումբը բարձրացնում է պոլսահայության փառքն ու պատիվը:

Ելույթով հանդես եկավ ՀՀ սփյուռքի նախարար Հրանուշ Հակոբյանը: Ողջունելով հյուրերին` նախարարը շնորհակալություն հայտնեց «Վարդանանց» երգչախմբին` Թուրքիայում հայ մշակույթը, հայկական ավանդույթներն ու սովորույթները պահպանելու համար: «…Այսօր «Վարդանանց» երգչախմբի շնորհիվ մենք հոգևոր հանգիստ ձեռք բերեցինք: Թող այդ հոգևոր հանգիստը փոխանցվի Սիրիայի հայ համայնքին…», – ասաց նախարարը: Երգչախմբի ղեկավար Ատրուշան Հալաճյանին Սփյուռքի նախարարը պարգևատրեց Մեծն Կոմիտասի մեդալով, իսկ դաշնակահարուհի Լուսի Գահվեճիողլուին շնորհակալագիր հանձնեց:

http://im-hayastan.com/2012/08/07/%D5%BA%D5%B8%D5%AC%D5%BD%D5%AB-%D5%BE%D5%A1%D6%80%D5%A4%D5%A1%D5%B6%D5%A1%D5%B6%D6%81-%D5%A5%D6%80%D5%A3%D5%B9%D5%A1%D5%AD%D5%B4%D5%A2%D5%AB-%D5%B4%D5%A5%D5%B6%D5%A1%D5%B0%D5%A1%D5%B4/