Ծանօթագրութիւն՝ յաջորդ սերունդներուն

Այս գիրքը փիւնիկի նման կը վերածնի իր մոխիրներէն: Տարիներ շարունակող մեծ պայքարի որպէս արդիւնք բառերը ազատութիւն ձեռք կը բերեն ինձմէ:

Այս գիրքը անտեսուեցաւ միայն հայերէն ըլլալուն պատճառաւ, տպագրելու փափաք չյայտնուեցաւ, աւելին՝ չեղեալ նկատուեցանք թէ' ես  եւ  թէ' իմ երկերը:

Արեւմտահայերէնը՝ իմ մայրենին,  որ մանկութենէս ի վեր աղօթքի  մը նման կը թափի իմ լեզուէն, այսօր տեղ կը գրաւէ Իւնէսքօ-ի վտանգուած լեզուներու ցանկին մէջ: Ես կը պայքարիմ որպէսզի ապրի   Պոլսոյ Հայ Գրականութիւնը, ես կը պայքարիմ դուք՝ յաջորդ սերունդներուն համար:

Այս գիրքը պիտի ծնի իմ սիրելի հոգեւոր հօր՝ Րակըբ Զարագոլուի զոհաբերութեան ու Ռոպէր Հատտէճեան եւ Արի Հատտէճեանի ինչպէս նաեւ Մարմարա Օրաթերթի աջակցութեան շնորհիւ:

Կ'ուզեմ շնորհակալութիւն յայտնել  նաեւ այս գիրքի պատրաստութեան համար երեւակայական եւ տեսողական բոլոր ձիրքերը ցուցադրող Հաթիճէ Եըլմազին, որ հրաշք մը գործեց:

Եթէ չմիանար այս խումբը, չէր կրնար  ծնիլ  «Ակն»ը, եթէ չծնէր «Ակն»ը  ես  չէի կրնար տեսնել ձեզ...:

Յ.Գ. Այս գիրքին մէջ գտնուղ բոլոր գծումները կը պատկանին Վերճիհան Զիֆլիօղլուի:

Satış Yerleri: 

Açk Semerkant Kitabevi başta olmak üzere İstiklal Caddesi'ndeki tüm kitapçılarda, Pangaltı'ndaki Nostalji Kitabev'inde bulabilirsiniz. Ayrıca elden temin etmek için Belge Yayınları'ndan Mehmet Ali Bey'le 0531 617 06 08 numaralı telefondan iletişime geçebilirsiniz... 

My newly publishing book "Ack" (The eyes) on the shelves of Istanbul bookstores. If you would like to buy it, you can contact with Belge Publishing House via +90 531 617 0608.

--

VERCIHAN ZIFLIAN